لکھنؤ، 24؍فروری (ایس او نیوز؍ایجنسی)  یوپی میں اسمبلی انتخابات کے پانچویں مرحلے کی تیاریاں تیز ہو گئی ہیں۔ اسی سلسلے میں آج یعنی جمعرات کو وزیر اعظم نریندر مودی الہ آباد اور امیٹھی میں جلسوں سے خطاب کریں گے۔ موصولہ اطلاعات کے مطابق، پی ایم نریندر مودی امیٹھی کے گوری گنج میں اور الہ آباد کے پھپھاماؤ میں بجے جلسہ عام سے خطاب کرنے جا رہے ہیں۔

کانگریس جنرل سکریٹری پرینکا گاندھی آج گونڈہ اور بارہ بنکی کے دورے رہیں گی، جہاں وہ کانگریس امیدواروں کی حمایت میں ایک جلسہ عام سے خطاب کریں گی اور ڈور ٹو ڈور مہم چلایں گی۔ پرینکا گاندھی دوپہر 12 بجے مسولی زید پور، بارہ بنکی میں جلسہ عام سے خطاب کریں گی۔ اس کے بعد دوپہر 1.30 بجے وہ مسکنواں، گورا، گونڈہ میں جلسہ عام سے خطاب کریں گی۔ پرینکا گاندھی سہ پہر 3 بجے بارہ بنکی میں رام نگر یونین انٹر کالج سے تھانہ چوراہے تک ڈور ٹو ڈور مہم چلائیں گی۔ آخر میں وہ شام 4.30 بجے بارہ بنکی شہر میں حاجی فضل الرحمن پارک سے شہر کوتوالی تک ڈور ٹو ڈو مہم چلائیں گی۔

سماجوادی پارٹی کے قومی صدر اکھلیش یادو آج الہ آباد اور پرتاپ گڑھ کے دورے پر ہوں گے۔ وہ جمعرات کو صبح 11:50 بجے ہنڈیا اسمبلی سیٹ کے پولی ٹیکنک گراؤنڈ میں ایک جلسہ عام سے خطاب کریں گے۔ وہیں، دوپہر ایک بجے پھول پور حلقہ میں رہیں گے۔

اکھلیش بجے اس کے بعد پرتاپ گڑھ ضلع کی دو اسمبلی سیٹوں بابا گنج اور کنڈا میں ورکرز کانفرنس سے خطاب کریں گے۔ یوپی کے وزیر اعلیٰ یوگی آدتیہ ناتھ آج بارہ بنکی، بہرائچ، شراوستی اور ایودھیا میں کئی عوامی جلسوں سے خطاب کریں گے۔ شام کو ایودھیا میں روڈ شو میں شامل ہوں گے۔

وزیر اعلی یوگی آدتیہ ناتھ آج بارہ بنکی، بہرائچ، شراوستی اور ایودھیا میں قیام پر ہوں گے، جہاں وہ کئی عوامی جلسوں سے خطاب کریں گے۔ یوگی آدتیہ ناتھ پہلے کٹیارہ، رام نگر، بارہ بنکی میں ایک جلسہ عام سے خطاب کریں گے۔ اس کے بعد دوپہر کو وہ رتن پور باغ، راجہ ودی، بہرائچ میں بھی جلسہ عام سے خطاب کریں گے۔

مرکزی وزیر داخلہ امت شاہ آج بستی اور بہرائچ میں جلسہ عام سے خطاب کریں گے۔ امت شاہ بی جے پی کے سابق قومی صدر اور مرکزی وزیر داخلہ اور تعاون، جمعرات کو یوپی کے قیام پر ہوں گے۔ امت شاہ صبح کے وقت کریم بیہڑ، قیصر گنج، بہرائچ میں ایک جلسہ عام سے خطاب کریں گے۔ اس کے بعد کسان پی جی کالج، بہرائچ میں جلسہ عام سے خطاب کریں گے اور سہ پہر کو نیشنل انٹر کالج، ہرایا، بستی میں جلسہ عام سے خطاب کریں گے۔

بی ایس پی امیدواروں کی حمایت میں مایاوتی دوپہر 2 بجے بستی کے گورنمنٹ انٹر کالج میں جلسہ عام سے خطاب کریں گی۔ آدتیہ ٹھاکرے سدھارتھ نگر کے ڈومریا گنج اور الہ آباد کے کورون میں شیو سینا امیدواروں کی حمایت میں جلسہ عام سے خطاب کریں گے۔